Como facer un podcast? – Guía rápida – Preme aquí para descarga
NOVO MUNDO, NOVA RADIO, esta é proposta feita pola UNESCO para esta X celebración do DÍA MUNDIAL DA RADIO 2021.
O mundo muda e a radio tamén. A radio gañou unha nova vitalidade en Internet e nas redes sociais. Novos soportes, como os podcasts, están a modificar as formas do medio radiofónico. Coa publicación de Na ponte, inventamos o “radio-visual”. A radio escolar tamén se adapta a estes novos formatos e Ponte…nas ondas! promove a participación do alumnado no medio radiofónico, vencellado ao patrimonio cultural galegoportugués.
ACTIVIDADES PARA O ALUMNADO
• Realización de programas de radio de diversos formatos e xéneros.
• Realización de podcasts con referencias ao mundo da radio.
• Audios de alumnado imitando formatos radiofónicos.
• Programas de radio desde algunhas das materias do currículo.
• Radio-visual ( a radio con imaxes desde a casa, desde a escola, desde a rúa…).
• A radio no contexto da pandemia do COVID19.
NO DÍA MUNDIAL DA RADIO – 13 febreiro
• Emisión no portal ESCOLAS NAS ONDAS ( www.escolasnasondas.com )
Envíos antes do 13 de febreiro a : web@escolasnasondas.com – ondas@pontenasondas.org
Preséntasnos a radio do teu centro?
Outra forma de participar é presentarnos a radio da túa escola: Como se chama? Onde está? Que fai? Que medios ten? Envíanos a túa saúda para o Día Mundial da Radio!
Obradoiros de radio
* Seguimos realizando obradoiros de radio adaptados a todos os niveis e respectando o protocolo COVID19.
