Emitindo desde o CEE Saladino Cortizo de Vigo.
“A radio de sempre, a radio dos nosos avós e avoas, a radio que informa, a radio que acompaña, a radio que une persoas, a nosa radio”
Así brincaba ás ondas este 2020 Radio Tartaruga, a emisora do Colexio de Educación Especial Saladino Cortizo de Vigo. Cóntanolo desde aló Mercedes Fragueiro, que nos achega as primeiras pezas postas na rede polo proxecto coincidindo co Día da Radio 2020. Nesta primeira peza podedes escoitar como o alumnado responde á pregunta “Que é a radio para ti?”
E por certo, cóntannos tamén que a intro foi elaborada pola mestra de música Sabela Fernández Fonseca e o mestre de apoio Gael Fernández Castro, composta e interpretada expresamente para a Radio Tartaruga.
Radio Tartaruga tamén estivo activa dende casa no confinamento, aproveitando para compartir palabras, refráns, poesías e cantigas durante o mes das Letras Galegas. Velaquí o programa especial.
